Youtube


    രാജ്യത്ത് ഇനി സ്വകാര്യതയില്ല !! troll video

    HD
    0:5
    автор | дата 01.10.2018
    • 291
    • 15
    • 1
    Проголосовало пользователей: 16
    നിത്യ ബ്രഹ്മചാരിയായ അയ്യപ്പസ്വാമി ക്ഷമിക്കണം. അവന് ആകാമെങ്കിൽ അവൾക്കും ആകാം എന്നാണ് ബഹുമാനപ്പെട്ട സുപ്രീംകോടതി പറഞ്ഞത്. അതുകൊണ്ട് അയ്യപ്പസ്വാമിയെ കാണാൻ കടുത്ത ആഗ്രഹം തോന്നുന്ന മാളികപ്പുറങ്ങൾക്ക് പ്രായം നോക്കാതെ ഒരു പേടിയും കൂടാതെ ഇനി മലചവിട്ടാം. കാലത്തിന് നിരക്കാത്ത ഒരു ആചാരം കൂടി ഇല്ലാതാവുന്നതിൽ നിറഞ്ഞ സന്തോഷം. സ്ത്രീകളുടെ അന്തസും അഭിമാനവും ഉയർത്തുന്ന വിധി സ്ത്രീ പ്രവേശന വിളംബരത്തിന്റെ ചരിത്രപരമായ മുന്നേറ്റത്തിന് വഴിയൊരുക്കട്ടെ. മൂന്ന് ദിവസം കൊണ്ട് രണ്ടും കൽപ്പിച്ച് ബഹുമാനപ്പെട്ട സുപ്രീംകോടതി നടത്തിയ സുപ്രധാന വിധികളുമായി കൗമുദി ട്രെൻഡിംഗ് ന്യൂസ് തുടങ്ങട്ടെ. നമസ്‌കാരം ഞാൻ ശ്രീജിത്ത് ബാലകൃഷ്ണൻ. സ്ത്രീകളോട് ഒരു അഭ്യർത്ഥനയുണ്ട്. കോടതി കൂടെയുണ്ട് എന്ന തോന്നലിൽ പതിനെട്ടാം പടിയുടെ എണ്ണം കുറച്ച് എട്ടോ പത്തോ പടിയാക്കണം എന്നൊന്നും പറയരുത്. അയ്യപ്പന് പൊങ്കാല ഇടണം എന്ന് പറഞ്ഞ് മലകയറരുത് എന്നൊരു അപേക്ഷയും കൂടിയുണ്ട്. ശബരിമലയിൽ മാത്രമല്ല ലിംഗ വ്യത്യാസത്തിന്റെ പേരിൽ രാജ്യത്ത് ഒരു ക്ഷേത്രത്തിലും പ്രവേശനം വിലക്കരുത് എന്ന് സുപ്രീംകോടതി ഓർമ്മിപ്പിക്കുന്നു. ശാരീരികവും ജൈവികവുമായ അവസ്ഥയുടെ പേരിൽ ക്ഷേത്രങ്ങളിൽ ദർശനം വിലക്കരുത് എന്ന ചീഫ് ജസ്റ്റിസ് ദീപക് മിശ്രയുടെ നിരീക്ഷണം കാലത്തിന്റെ മാറ്റം ഉൾക്കൊണ്ടു തന്നെയാണ്. ഇന്നലെ വരെ പമ്പയിൽ സ്ത്രീകളെ തടയാൻ പൊലീസിനെ നിയോഗിച്ച സർക്കാരിന് ഇനി സ്ത്രീകൾക്ക് സുരക്ഷ ഒരുക്കാൻ പൊലീസിനെ നിയോഗിക്കേണ്ടി വരും. നൈഷ്ഠിക ബ്രഹ്മചാരിയായ അയ്യപ്പന്റെ ഓജസിനും നിലനിൽപ്പിനും പത്തിനും അൻപതിനും ഇടയ്ക്കുള്ള സ്ത്രീ സാന്നിദ്ധ്യം വിഘാതം ആകുമെന്ന വിശ്വാസികളുടെ വാദം കോടതി പരിഗണിച്ചതു പോലുമില്ല. നീതിപീഠം നടതുറക്കുമ്പോൾ വിശ്വാസത്തിനും മേലെയാണ് ഭരണഘടന എന്ന് എല്ലാവരും ഓർക്കണം. ഭരണഘടന നൽകുന്ന തുല്യതയ്ക്ക് മുന്നിൽ, അയ്യപ്പനെ നൈഷ്ടിക ബ്രഹ്മചാരിയായി ആരാധിക്കാൻ അനുവദിക്കണം എന്ന ആചാരം വഴി മാറി. ഏത് പ്രായത്തിലും ആർത്തവ കാലത്തും ക്ഷേത്രത്തിൽ പോകണോ വേണ്ടയോ എന്ന് സ്ത്രീകൾക്ക് തീരുമാനിക്കാം. അത് സ്ത്രീകൾക്ക് വിടുന്നു. പക്ഷേ യഥാർത്ഥ പ്രശ്നം അതൊന്നുമല്ല, സ്ത്രീകളെ ശബരിമലയിൽ പ്രവേശിപ്പിക്കുന്നതിന് എതിരല്ല എന്ന് കോടതിയിൽ പറഞ്ഞ സംസ്ഥാന സർക്കാർ അവർക്കായി ശബരിമലയിലും പമ്പയിലും എന്ത് സൗകര്യങ്ങൾ ഒരുക്കി എന്ന് കൂടി പറയണം. നൂറ്റാണ്ടുകൾ പഴക്കമുള്ള ചില നിയമങ്ങൾ പരിഷ്‌കൃത സമൂഹത്തെ പല രീതിയിൽ ബാധിക്കുന്നുണ്ട്. അങ്ങനെയുള്ള ചില നിയമങ്ങൾ എടുത്ത് കിണറ്റിൽ ഇടാൻ തന്നെയാണ് ബഹുമാനപ്പെട്ട സുപ്രീംകോടതിയുടെ തീരുമാനം. ശബരിമലയിൽ സ്ത്രീപ്രവേശനം അനുവദിച്ചതിന്റെ തലേ ദിവസമാണ് വിവാഹേതര ബന്ധം ക്രിമിനൽ കുറ്റം അല്ലെന്ന് കോടതി വിധിച്ചത്. തുല്യതയും അന്തസും സ്ത്രീയുടെ അവകാശം ആണെന്ന് പറഞ്ഞ കോടതി തറപ്പിച്ച് പറഞ്ഞ ഒരു കാര്യം ഇനി ആരും മറക്കരുത്. പുരുഷൻ സ്ത്രീയുടെ ഉടമയല്ല. 158 വർഷം പഴക്കമുള്ള നിയമമാണ് കോടതി എടുത്ത് ദൂരെകളഞ്ഞത്. വിവാഹേതര ബന്ധത്തിൽ പുരുഷനെ കുറ്റവാളി ആയും സ്ത്രീയെ ഇരയായും കാണുന്നത് യുക്തിരഹിതമായ പുരാതന നിയമം ആണെന്നാണ് ജസ്റ്റിസ് നരിമാൻ വിധി പ്രസ്താവത്തിൽ പറഞ്ഞത്. ദാമ്പത്യ ജീവിതത്തിലെ സ്വകാര്യതയും സ്ത്രീകളുടെ അന്തസും മുൻനിറുത്തിയാണ് കോടതി വിധി. എന്നുവെച്ച് അത് എന്ന് തോന്നിവാസത്തിനും കോടതി നൽകുന്ന ലൈസൻസ് അല്ലെന്ന് വിവാഹിതർ ഓർത്താൽ നല്ലത്. അത് ഓർമ്മിപ്പിച്ചുകൊണ്ടാണ് ജസ്റ്റിസ് ഇന്ദു മൽഹോത്ര വിധി എഴുതിയത്. വിവാഹേതര ബന്ധം തെറ്റുതന്നെയാണ്. പക്ഷേ ക്രിമിനൽ കുറ്റം ആകണം എങ്കിൽ അത് സമൂഹത്തെ ബാധിക്കണം. അതായയത് സമൂഹത്തെ ബാധിക്കാത്ത തരത്തിൽ ആകാം എന്ന്. അപ്പൊ പ്രായ പൂർത്തിയായവർ തമ്മിൽ ഉഭയസമ്മത പ്രകാരമുള്ള എല്ലാത്തരം ലൈംഗിക ബന്ധങ്ങളും അനുവദനീയമാണ് എന്ന അവസ്ഥ ലൈംഗിക അരാജകത്വത്തിന് വഴിവെയ്ക്കുന്നതാണ് എന്ന വാദം നിലനിൽക്കും. സാഹസിക പായ്വഞ്ചി ഓട്ടത്തിനിടെ അപകടത്തിൽ പെട്ട് പരിക്കേറ്റ കമാൻഡർ അഭിലാഷ് ടോമി ജീവിതത്തിലേക്ക് മടങ്ങിയെത്തുന്നു എന്നതാണ് പോയവാരത്തിൽ ആശ്വാസമായ മറ്റൊരു വാർത്ത. ഗോൾഡൻ ഗ്‌ളോബ് മത്സരത്തിനിടെ കാറ്റുപിടിച്ച് പായ്വഞ്ചി തകർന്നിട്ടും പായ്മരം വീണ് ഗുരുതരമായി പരിക്കേറ്റ് ഉൾക്കടലിൽ മരണത്തെ മുന്നിൽ കണ്ട അഭിലാഷ് ജീവിതത്തിലേക്ക് തിരികെ എത്തുന്നത് അടങ്ങാത്ത ആത്മവിശ്വാസത്തിന്റെ പ്രതീകമായിട്ടാണ്. ഓസ്‌ട്രേലിയൻ നഗരമായ പെർത്തിൽ നിന്ന് 3200 കിലോമീറ്റർ അകലെ ആഴക്കടലിൽ മൂന്ന് രാജ്യങ്ങൾ ചേർന്ന് മൂന്നു ദിവസമാണ് അഭിലാഷിന് വേണ്ടി രക്ഷാപ്രവർത്തനം നടത്തിയത്. ആംസ്റ്റർ ഡാമിൽ ചികിത്സയിൽ ആയിരുന്ന അഭിലാഷിനെ ഇന്ത്യൻ നാവികസേന പത്ത് ദിവസത്തിനകം ഇന്ത്യയിൽ എത്തുമെന്ന് പ്രതീക്ഷിക്കുന്നു. സുപ്രീംകോടതി ചരിത്ര വിധികൾ നടത്തുന്നതിനിടെ, രണ്ട് പേർ അവരുടെ രക്ഷാപ്രവർത്തനം ഊർജിതമായി നടത്തുകയാണ്. ആദ്യത്തെ മഹാൻ നമ്മുടെ ബിഷപ്പ് ഫ്രാങ്കോയാണ്. കോടതിയുടെ കാരുണ്യത്തിൽ ജയിലിൽ കഴിയുന്ന ദൈവപുത്രൻ കന്യാസ്ത്രീകളുമായി കോംപ്രമൈസിന് ശ്രമിക്കുകയാണ്. ഫ്രാങ്കോയുടെ കോംപ്രമൈസ് ദൂതുമായി മറ്റൊരു ദൈവപുത്രൻ കുറവിലങ്ങാട് മഠത്തിൽ എത്തി കന്യാസ്ത്രീകളെ കണ്ടു. വിവരം അറിഞ്ഞപാടെ മാദ്ധ്യമസഹോദരൻമാർ അവിടേക്ക് ഓടിയെത്തി. പിന്നെ പണ്ടത്തെ പോലെ ളോഹ തുന്നാനൊന്നും കന്യാസ്ത്രീകളും തയ്യാറല്ല. സോ കോംപ്രമൈസ് എന്ന ഫ്രാങ്കോയുടെ പരിപാടി പൊളിഞ്ഞു. രണ്ടാമത്തെയാൾ പാലക്കാട്ടെ സി.പി.എമ്മിന്റെ എല്ലാം എല്ലാമായ പി.കെ. ശശി എം.എൽ.എയാണ്. സ്വന്തം വനിതാ സഖാവ് നൽകിയ പീഡന പരാതി എങ്ങനെ ഒതുക്കാം എന്നാണ് ശശി ആശാൻ ശ്രമിക്കുന്നത്. പൊലീസ് നേരിട്ട് പോയി കണ്ടിട്ടും വനിതാ സഖാവ് പരാതി നൽകിയിട്ടില്ല. പാർട്ടി അന്വേഷണം നടത്തി ശശിയെ കുറ്റക്കാരൻ ആണെന്ന് കണ്ടെത്തുന്ന ദിവസം സ്വപ്നം കണ്ടുകൊണ്ട് ഇന്നത്തേക്ക് വിടപറയുന്നു. അടുത്തയാഴ്ച വീണ്ടും കാണും വരെ എല്ലാവർക്കും നല്ലനമസ്‌കാരം.
    ЕЩЁ
    • СКАЧАТЬ
    Популярные тэги
      Сейчас смотрят
      Пользователи